Heilsufrøðiliga Starvsstovan ger á heimasíðuni vart við, at frá 1. oktober verður munandi truplari at ferðast við hundum og kettum.
Djórini skulu kannast og møguliga viðgerast hjá djóralækna í ferðalandinum, og søkjast skal um ferðaloyvi og innflutningsloyvi, og tað er ikki líkamikið, hvørjum landi djórið kemur úr.
Krøvini eru tey somu til koppseting hvat hundum viðvíkir, men hjá kettum eru nýggj krøv.
Eisini skal blóðroynd møguliga takast, og djórapass verður ikki góðtikið sum innflutningsskjal.
Meira kann lesast um krøvini á heimasíðuni hjá Heilsufrøðiligu Starvsstovuni.
Um tú veitst okkurt, sum VP ikki veit - skriva so til vp@vp.fo