Sum um tað ikki er nóg nógv við Taleban er nú veruligur vandi fyri, at enn víðgongdari islamistiski yvirgangsfelagsskapurin IS fer at fremja álop á floghavnina í Kabul.
Tað hava amerikanskar fregnartænastukeldur boðað frá, og amerikanskir myndugleikar hava fyribils tikið avleiðingarnar, og heitt á øll sum skulu evakuerast um at bíða við at koma til flogvøllin.
Støðan í og uttanum floghavnina er framvegis merkt av ruðuleika. Nato keldur siga, at minst 20 fólk hava latið lív seinastu dagarnar í royndunum at koma sær til floghavnina og umborð á eitt av flogførunum sum fara.
Um tú veitst okkurt, sum VP ikki veit - skriva so til vp@vp.fo