Einar Petersen, sum fyri ikki so langari tíð síðan útgav barnasøguna Fjørufólkið, er í løtuni aktuellur við einum Kickstartara, sum er tekniseria av einari SCIFI stuttsøgu hjá honum.
Eftir ensku útgávuna er ætlanin at útgeva teknirøðina á Føroyskum máli eisini.
Stuttsøgan 'Implant!' gongur fyri seg í nærari framtíð í einum heimi har íbúgvarnir eru merktir við elektroniskum chippi og verða eygleiddir í øllum geranðisviðurskiftunum.
Søgan er um seinastu tíðina av einum frælsisstríði, sum framskýgd fólk hava sett í verk, hetta áðrenn totaliterar kreftir settu seg tungt á valdið og á fólkið.
Meira er at frætta um verkætlanina á https://www.kickstarter.com/projects/2142903171/implant og luttaka um onkur skuldi havt hug at stuðla verkætlanini tað verði seg fíggjarliga ella bara við at umtala hana á socialum miðlum.
Verkætlanin koyrir fram til Fríggjadag hin 19. august kl. 22:56.
Um tú veitst okkurt, sum VP ikki veit - skriva so til vp@vp.fo
