Onnur tíðindi
Norski stovnurin fyri náttúrugransking (stytt NINA) hevur kannað stóra nøgd av lomviga sum varð funnin deyður innarliga í Oslofjørðinum í heyst, og úrslitið av kanningunum er, at fuglurin var sera illa fyri og helst er deyður í hungri.
Á heimasíðuni skrivar NINA um málið, og tað kemur eisini fram, at sama er hent aðrastaðni við, eitt nú í Stórabretlandi, Belgia, Niðurlondum, Danmark og Svøríki.
- Allur fuglurin, sum varð kannaður, var sera rak. Fuglurin var eisini kannaður fyri fuglakrím, men ongi tekin vóru um sjúku. Tí verður hildið mest sannlíkt, at trot á føði er tað sum hevur gjørt enda á fuglinum, verður eisini sagt.
Um tú veitst okkurt, sum VP ikki veit - skriva so til vp@vp.fo
