Í vikuskiftinum vera tvey eyka útgávukvøld við Svein í Prestgarði. Leygarkvøldið 3 okt. kl 20 í Marghøllini í Sørvági, og sunnukvøldið 4. okt. kl 19.30 í Siloa í Fuglafirði.
Á skránni verður filmur, sangur og tónleikur.
Ókeypis atgongd.
25. sept. kom út nýggj fløga og dvd við Sveini í Prestgarði.
Fyrr í ár fór Svein, saman við øðrum, til USA at taka eina nýggja fløgu upp. Farið var í Crossroads Studio í Asheville, har fleiri føroyskar fløgur eru framleiddar seinastu árini.
Svein hevur eina sera vakra rødd og kemur hon sanniliga til sín rætt á hesi fløgu, sum inniheldur 13 sangir, í vøkrum country hami.
Fløgan ber heitið Ferðist heim. Hetta er tað sum fyllur nógv í lívinum hjá Svein, at ferðin gongur heim til teir himmalsku búðstaðir.
Svein hevur eisini eina sera áhugaverda lívsøgu at siga frá. Hetta kemur alt fram í filminum sum er við í fløguhúsanum, filmurin ber heitið "Tvey lív - Ein lívsleið".
Um tú veitst okkurt, sum VP ikki veit - skriva so til vp@vp.fo