Professarin og yvirlæknin Björn Olsen heldur at tað er miseydnast landsins myndugleikum í handteringini av koronakreppuni.
Hann metur at fleiri túsund sviar fara at doyggja.
– Alheimsfarsóttin kemur sum ein flóðalda yvir okkum. Hon er sum ein smittuveggur. Vit fara at fáa høg deyðstøl í Svøríki, serliga í Stokkhólms-økinum, og økingin verður munandi næstu vikurnar.
Tað sigur Björn Olsen, skrivar NRK. Hann er professari í smittumedisin við Universitetið í Uppsala og yvirlækni. Olsen hevur granskað alheimsfarsóttir og er ein av teimumn royndastu á hesum fakøkinum í Svøríki.
– Eg fari ikki at seta tal á hvussu nógv eg beri ótta fyri fara at doyggja. Kanska 5000 ella 10.000. Tað sum hendur nú er at Svøríki er á veg móti einum sorgarstandi, sigur hann sambært NRK.
Um tú veitst okkurt, sum VP ikki veit - skriva so til vp@vp.fo