Kendi amerikanski sjónleikarin Alec Baldwin hevur eftir øllum at døma av misgáum skotið tvey fólk við eini skammbyrsu undir upptøkunum til ein film í býnum Santa Fe í New Mexico. Annað fólkið sum bleiv rakt, ein 42 ára gomul kvinna sum var fotografur, er deyð av skotunum, hitt fólkið, sum var leikstjórin, hevur fingið álvarsligan skaða.
Tann 63 ára gamli Alec Baldwin skuldi eftir øllum at døma brúka revolvaran undir upptøkunum, men tað vísti seg, at hann var ikki løddur við leysum skotum. Alec Baldwin er kendur sjónleikari úr Hollywood, hann hevur verið við í sera nógvum filmum, eitt nú "It's Complicated" og "Still Alice". AP skrivar, at vitni sóu hann grátandi uttanfyri politistøðina í býnum eftir hendingina.
Ongin er handtikin í málinum.
Um tú veitst okkurt, sum VP ikki veit - skriva so til vp@vp.fo