Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Uppskot um fíggjarætlan hjá Tórshavnar Kommunu fyri 2020 verður lagt fram í kvøld á býráðsfundi. Men eftir hesum uppskotinum, ja, so vanta 47 mió. kr. í, fyri at fáa javnvág á fíggjarætlanini, hvat viðvíkur rakstri og íløgum.

Samtyktar eru íløgur fyri 228 mió. kr. í 2020, meðan avlopið til skattafíggjaðar íløgur í framløgdu ætlanini eru 181 mió. kr. Sostatt vantar fígging uppá 47 mió. kr. fyri at fáa javnvág í rakstur og íløgur.

Upplýsast kann, at hóast risaíløgur á fíggjarætlanini 2020, so eru ongir pengar settir av til eitt nú Marknagilsvegin, har fyrisitingin hevur sagt, at har mugu brúkast minst 17,5 mió. kr. í 2020. Heldur ongir pengar eru settir av til aðrar hart tiltrongdar ábøtir á vegir, uppraðfesting á eldraøkinum, eins og uppnormering á barnagarðsøkinum við meira orku og tíð til børnini - nakað, sum starvsfólkini bíða eftir, tí tað er teimum lovað.

Tað eru 5 møguleikar at fíggja tær 47 mió. kr. ella skapa javnvág - skattahækking, lántøka, nýtsla av tøkum peningi ella sparingar í rakstrinum og lægri íløguvirksemi. Talan kann eisini verða um kombinatiónir av øllum hesum møguleikum. Hin meira óvissi møguleikin er vónin um, at meirinntøkurnar fíggja tað, sum vantar í.

Slagorðini hjá Fólkaflokkinum um skattalætta og lægri rakstrarútreiðslur eru nú ein saga blott, har flokkurin saman við Tjóðveldi og Framsókn, leiða og stýra móti endanum av hesum valskeiðnum.

Annfinn Brekkstein
býráðslimur fyri Sambandsflokkin í Tórshavnar Kommunu

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo