Sunnudagin koma umboð fyri afghanska Talibanstýrið til norska høvuðsstaðin Oslo at luttaka í samráðingum um, hvussu heimssamfelagið kann hjálpa niðurundirkomna landinum at fóta sær.
- Samráðingarnar fara væntandi at vara til miðskeiðis í næstu viku, og umframt umboð fyri Talibanstýrið skulu eisini umboð fyri heimssamfelagið eins og aðrir afghanar vera við í samráðingunum, hevur norska uttanríkisráðið upplýst fyri blaðnum VG.
Talan er sum skilst eisini um umboð fyri mannarættindafelagsskapir, og hetta er fyrstuferð at umboð fyri Taliban seta seg til samráðingarborðið við hesar felagsskapir í einum landi í vesturheiminum, síðani víðgongdu islamistarnir tóku valdi í Afghanistan í August.
Um tú veitst okkurt, sum VP ikki veit - skriva so til vp@vp.fo
