Seinasti amerikanski hermaðurin var ikki meira enn farin úr Afganistan, fyrr enn nýggja stýrið í landinum skipaði fyri tíðindafundi í floghavnini, har teir millum annað søgdu, at sigurin er ein læra fyri fíggindar, sum ota seg inn í landið, og fyri komandi ættarlið í Afganistan.
- Hetta er eisini ein læra fyri allan heimin, segði taliban talsmaðurin Zabihullah Mujahid, ið sæst í miðjuni á myndini.
Nógv í Afganistan og aðrastaðni við stúra fyri, at harðrenda og kúgandi stýrislagið, sum plagdi at eyðkenna talibanstýrið, fer at venda aftur. Á tíðindafundinum í morgun bleiv kortini tikið upp aftur, at Afganistan ynskir at hava góð viðurskifti við allan heimin, eisini USA, og er til reiðar at knýta diplomatisk sambond við øll.
Um tú veitst okkurt, sum VP ikki veit - skriva so til vp@vp.fo