Hagstovan: Tað vóru góð 27.500 í løntakaraskaranum í november. Tað eru stívliga 300 fleiri enn í november í fjør, ið svarar til ein vøkstur upp á 1,2%.
Trendurin, sum lýsir rákið í løntakaratalinum, vísir, at seinastu mánaðirnar hevur lítil og eingin vøkstur verið í løntakaratalinum. Fallið, sum sæst í grafinum, er í aprílmánaði í 2020, tá landið var farið niður í ferð.
Vøksturin er í 'privatu tænastuvinnunum'. Løntakarararnir í 'privatu tænastuvinnunum' eru nú fleiri, enn teir vóru áðrenn koronufarsóttin rakti. Hinvegin er vøksturin í 'almennari o.a. tænastu' steðgaður upp. Í byggivinnuni minkar løntakaratalið.
Um tú veitst okkurt, sum VP ikki veit - skriva so til vp@vp.fo