Nú gremur Havnar kommuna seg alsamt um kostnaðin av einari innkoyring úr Tangafjarðar- tunlinum til høvuðsstaðin. Havnin, sum jú fevnir um helvtini av Streymoynni - við yvir 20.000 skattaborgarum umframt ørgrynnu av almennum beitum og føstum inntøkum, og sum fara sendandi upp um milliardina í kontantum skattakrónum – tað má haldast at vera nakað av eini SKOMM!
Hinvegin – um hvussu nógvar høvuðslinjur til landsvegin, sum Landsverkfrøðingurin (Heini Olsen og Dan Hofgaard) hava avrikað íalt í Eysturoynni - av Gøtueiði oman fyri Søldarfjørð og um Lambareiði í erva út um Runavík – tað er helst ikki tal á.
Men har kom helst hvørja ferð onkur trøð og onnur áhugamál veljarans (“slekt og vinir ella bygningar”) í vegin (sum vanligt var aðrastaðni við).
So at - ta møguligu komandi ferðsluligu trongstøðuna - hana hevur núverandi býráð ikki skuldina av. Og tí eigur kommunan IKKI sum so at verða revsað fyri “fedranna syndir” í verandi løtu.
At landið tí sambæriliga eigur at leska Runavíkar kommunu við onkrum beina. Kommununa - sum nú fevnir um bróðurpartin av Eysturoynni við 15 - meiri og minni bygdum og bygdarløgum – og við uml. 4. 000 skattgjaldarum - og sum skal húsast við uml. 200 mió. kr. í inntøku. Har áleið.
Ein hóskandi fíggjarligur og tekniskur styrkur frá landinum má her vera á einari leið - og ein vitilig semja finnast - áðrenn “Kalashnikov–kúlurnar” flúgva um oyruni frá einum dupultum patrónbelti(!).
Arnstein Niclasen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo