Kontroversielli leiðarin í Tjetjenia hevur reypað av, at hann var í Kyiv, har hann saman við sínum hermonnum, ætlaði sær at leita eftir stjórnini í Ukraina.
Men tjetjenski leiðarin, Ramzan Kadyrov, er als ikki í Ukraina, sum hann hevur sagt fyri fáum døgum síðani, sambært miðlinum Ukrajinska Pravda.
Ukrajinska Pravda skrivar, at miðilin við hjálp frá ukrainsku trygdartænastuni SBU hevur fingið tey bæði telefonnummørini, sum tjetjenski leiðarin helst brúkar.
Miðilin hevur tjekkað nummurini hjá ukrainskum televeitarum, og sambært teimum hevur hvørki av numrunum seinastu vikuna verið í økinum hjá ukrainsku telemastrunum.
Hetta er tó ikki alt, skrivar TV 2.
Um tú veitst okkurt, sum VP ikki veit - skriva so til vp@vp.fo
