Strandfaraskipið Ternan, sum siglir á Nólsoyarleiðini, fekk eitt sonevnt "black-out" í gjárkvøldið, tá hon var í sigling. Ternan var júst komin úr Nólsoy inn í havnina í Havn, tá óhappið hendi.
Stjórin í Strandfaraskipum Landsins, Hilmar Eliasen, sigur við Kringvarpið, at tað var ongantíð nakar vandi á ferð, og tað eydnaðist at fáa skipið til kai í øllum góðum. Tað sum hendi var, at eitt rør við sjógvi fór at leka á ein generator, tí hendi skammlop. Hann segði, at tað fór at taka upp til eina viku at umvæla brekið á Ternuni.
Erla Kongsdóttir rekur leiðina um Nólsoyarfjørð so leingi.
Um tú veitst okkurt, sum VP ikki veit - skriva so til vp@vp.fo