Ørkymlan og kenslan av vónsvikni, stutt sagt frustratiónirnar sum standast av korona gera, at tað er blivið lættari hjá teimum víðgongdu at útvega sær viðhaldsfólk.
Tað staðfesta fleiri trygdar- og fregnartænastur, bæði í norðurlondum og øðrum londum í heiminum, skrivar Jyllandsposturin.
Eldáseting og spreinging eru bert tvey amboð sum eru brúkt í fleiri londum av fólkum, sum í fleiri førum aftaná hava greitt frá, at tað er beinleiðis frustratiónir av korona sum fáa tey til at handla øðrvísi enn tey annars høvdu gjørt.
Gransking, gjørd í Danmark, Italia, Ungarn og USA, vísir, at fólk nú siga seg vera meira villig til at brúka harðskap til at røkka politiskum málum enn áður.
Um tú veitst okkurt, sum VP ikki veit - skriva so til vp@vp.fo
