Eftir 26 ár sum limur í Danska Fólkaflokkinum stillar Kristian Thulesen Dahl ikki upp til komandi fólkatingsval.
Tað sigur hann í samrøðu við Radio4, skrivar danska TV 2.
Og fyrrverandi næstformaðurin í Danska Fólkaflokkinum, Søren Espersen, umhugsar eisini sína støðu í flokkinum, sigur hann við TV 2.
- Tað er so dramatiskt, tað sum er hent við Kristian, sum eg havi havt eitt gott samstarv við. Fleiri fara eisini úr leiðsluni í lokalfeløgunum í løtuni, og eg eri sjálvur í villareiði. Tí er neyðugt við eini umhugsunartíð, sigur Søren Espersen.
Um tú veitst okkurt, sum VP ikki veit - skriva so til vp@vp.fo