Thyge er bróðir Ronald Risvig, sum fyri stuttum var í Føroyum og greiddi frá um bókina, sum hann hevði skrivað um Matador.
Thyge Risvig er føddur 23. juni 1945 í Brande í Jyllandi. Hann hevur teknað frá barnsbeini av og er útbúgvin málari og lærari. Læraraprógv tók hann 1998 frá Jelling Statsseminarium t. d. í myndlist. Verið á skeið í myndlist 2003 hjá Evald Jensen á Listaskúlanum í Vejle. Skeið á Listaháskúlanum í Aarhus hjá Max Parylewacz.
Thyge heintar íblástur til sínar málningar frá ferðum í Noregi, Svøríki og Føroyum. Myndirnar eru natúrlýsingar og avspegla tað, sum eygað sær av tí stórfingnu natúrini, har vindbardir klettar, hástór fjøll, grýtut lendi og fuglar nema við penslar hansara, og fáa hesar sjónir at liva sítt inniliga lív í málninginum javnt, samt og tamt.
Ferniseringin verður mánadagin, 6. juni kl 19:00 í Ribarhúsi.
Um tú veitst okkurt, sum VP ikki veit - skriva so til vp@vp.fo
