Keiputekning sum Óli P gjørdi um hugtakið negativar rentur í juni í fjør.
Keiputekning sum Óli P gjørdi um hugtakið negativar rentur í juni í fjør.
Keiputekning sum Óli P gjørdi um hugtakið negativar rentur í juni í fjør.
- Stóru rentuhækkingarnar seinastu tíðina eru tíðiligt tekin um, at tíðarskeiðið við negativum rentum er um at vera liðugt.
Tað sigur Jan Størup, sum er ein av leiðandi greinarunum í Nordea, við dagblaðið Børsen.
- Skjótt eru tað bara fá dømi um negativar rentur í evrulondunum, og tað er ein greið ábending um, hvønn vegin tað gongur, sigur hann.
Orðini fell eisini samstundis sum rentan á týska tvey-ára statslánsbrævinum er farin í pluss fyri fyrstuferð í 8 ár.
Tað var Jyske Bank sum í 2019 sum tann fyrsti fór undir at taka negativa rentu frá sínum viðskiftafólki, sum høvdu pengar standandi í bankanum. Síðani eru flestallir aðrir bankar í danska bankasektorinum, har teir føroysku peningastovnarnir eisini eru partur, farnir sama vegin.
Ein negativ renta uppá minus 0,7% er ikki óvanlig, og tað merkir, at tað kostar 700 kr árliga fyri hvørjar 100.000 krónur, ein hevur standandi í bankanum.
Um tú veitst okkurt, sum VP ikki veit - skriva so til vp@vp.fo
