Far gjøgnum hurðina fyri at koma inn í húsið
- Kinesiskt orðatak

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Granskingarráðið: Granskingarnevndin hevur á fundi 25. mai játtað stuðul til 10 nýggjar granskingarverkætlanir. Tilsamans eru játtaðar 7 mió. kr. til verkætlanir á økjunum hugvísindi, samfelagsvísindi, náttúruvísindi & tøkni og heilsuvísindi.

24 umsóknir vóru um stuðul, og søkt varð um í alt góðar 23 mill. kr.

Stuðul er játtaður til 4 ph.d.-verkætlanir og 6 aðrar verkætlanir. 2 kvinnur og 8 menn eru verkætlanarleiðarar. Hesi arbeiða á stovnum og hjá feløgum í Føroyum og uttanlands. Flestu granskararnir eru knýttir at Fróðskaparsetrinum.

Umsóknirnar, sum hava fingið játtað stuðul úr Granskingargrunninum í 2020, eru:

Hug- og samfelagsvísindi
Jan Jensen: "Rein Boð": kristiligt orðaskifti um etikk í Føroyum.
Ph.d.-verkætlan á University of Cambridge - Játtan kr. 575.000.

Jens Dam Ziska: Mynd, illusión og fatan.
Post.doc.-verkætlan á University of California og á Føroyamálsdeildini á Fróðskaparsetrinum. – Játtan kr. 500.000.

Bárður Larsen og Jose M. Lorenzo Villaverde: Skipan av lóg og institutiónum í Føroyum í sambandi við yvirtøkur innan ríkisfelagsskapin. Ein samanberandi lýsing av avbjóðingum, trupulleikum og møguleikum.
Verkætlan á Søgu- og Samfelagsdeildini á Fróðskaparsetrinum - Játtan kr. 750.000.

Náttúruvísindi og tøkni
Gethin Wyn Roberts: Talgilt eftirlit av standi og viðurskiftum hjá skipum og skipsskrúvum.
Verkætlan á Náttúruvísindadeildini á Fróðskaparsetrinum – Játtan kr. 1.000.000

Anni Djurhuus: Árstíðar broytingar av virus til súgdjór á føroyska landgrunninum.
Verkætlan á Náttúruvísindadeildini á Fróðskaparsetrinum – Játtan kr. 440.000

Jóhannus Kristmundsson: Viðgerð av mátiúrslitunum frá fleiri fleirstrálaðum ekkóloddinum til nýtslu í alivinnuni.
Ph.d.-verkætlan á Fiskaaling – Játtan kr. 930.000

Heilsuvísindi
Magni Mohr: Vøddaglykogen og vøddavirkni undir hørðum intervalarbeiði við denti á kaliumregulering.
Verkætlan á Deildini fyri Heilsu og Sjúkrarøkt á Fróðskaparsetrinum – Játtan kr. 200.000

Niclas Højgaard Eysturoy: Tann føroyski knæ-kanningarbólkurin. Ein kanning av etiologi og langtíðar avleiðingum av Trochlear Dysplasi og knæ-skels keiking.
Ph.d.-verkætlan á Landssjúkrahúsinum – Játtan kr. 670.000

Noomi O. Gregersen: At eyðmerkja ílegur, sum kunnu elva til bróstkrabba í Føroyum, og kanna sambandið hjá hesum ílegum við ávísar bróstkrabba biomarkørar.
Verkætlan á Ílegusavninum – Játtan kr. 840.000

Tórur Sjúrðarson: Týdningur av angiotensin converting enzyme virkisstigi fyri tillaging til kropsliga venjing.
Ph.d.-verkætlan á Deildini fyri Heilsu og Sjúkrarøkt á Fróðskaparsetrinum – Játtan kr. 1.100.000

Granskarstuðul ger mun
Við játtanunum í hesum umfarinum eru gott 300 verkætlanir stuðlaðar, síðani skipanin við granskingarstuðli varð sett á stovn fyri góðum 20 árum síðani. Tá er talan um stuðul frá Granskingargrunninum, Sjúkrakassagrunninum, Minningargrunni fyri Dánjal Niclasen og COVID-19 átakinum, sum vinnufyritøkur stuðlaðu dyggiliga í vár.

Talan er um ph.d.-verkætlanir og aðrar verkætlanir á nógvum ymsum økjum, sum bæði klekja nýggjar granskarar og geva okkum týdningarmikla vitan at byggja víðari á.  

Yvirlit og status yvir allar verkætlanir, sum hava fingið stuðul til og við 2020 sæst her  

Um tú veitst okkurt, sum VP ikki veit - skriva so til vp@vp.fo