Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

TELEFONBÓKIN: Fróðarmaðurin, mentamaðurin, tiltikni føroysklærarin, Herluf Berthelsen, plagdi at siga, at navnið ”Skálabotnur” vann fram millum manna, eftir at telefonbókin var farin at brúka tað  staðarnavnið. Kelda mín kendi sera væl Herluf.

NÝGGJA FÓLKAATKVØÐU?: Hugaligt, at myndugleikarnir lurtaðu eftir bygdarfólkinum í Skálafirði, sum í hesum førinum sjálvandi veit best. Eg skilji tó avgerðina hjá staðanavnanevndini soleiðis, at sjálv bygdin eitur Skálafjørður, men økið annars innast í Skálafirði kann eita Skálabotnur!?

Tosaði við eldri gøtumann, sum eigur jørð í Skálafirði (tað navnið brúkti hann). Man hann nú eiga jørð í Skálabotni? Fløkjaligt! Møguliga verður brúk fyri nýggjari fólkaatkvøðu!?

BOTNUR: Fródligur havnarmaður vísti mær á tað, sum V.U. Hammershaimb skrivar um ”botn” í Antologiini  í 1891. Keldan hjá Hammershaimb er Dr. Forchhammer frá 1824:

”BOTNUR kaldes en kortere dal, der er åben mod havet, men halvrund og hævende sig med ”brekkur” (skråninger) og bratte hamre op imod landet med en elv løbende midt ned igennem den.”

Sambært Hammershaimb er ”botnur” í Tjørnuvík! Eg hugsi ikki, ”botnur” er í Fuglafirði, sum onkur spyr um.

E.S.: Eg síggi, at staðanavnanevndin hevur funnið avgamla keldu um bygdarnavnið ”Skálafjørð”. Árið er 1687! Sig so tað!

Við fjarðar- og botnskvøðu
Eyðun á Borg

(við ”Argjafjørð”)

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo