Løgtingið skal eisini velja grein 25 nevndina, sum skal viðgera Stjórnarskipan Føroya. Hetta er ikki fyrstuferð at ein slík nevnd er sett. Í 2002, 2007, 2009 og 2010 hava líknandi nevndir sitið uttan at arbeiðið er blivið liðugt.
Rigmor Dam, landsstýriskvinna í mentamálum, fer at svara spurningi frá Annitu á Fríðriksmørk, tingkvinnu, um ymisk viðurskifti í fólkaskúlunum. Eitt nú vil tingkvinnan vita um javnvágina millum bókligar og handaligar lærugreinir, hvussu nógv játtanin til fólkaskúlan er økt ella minkað seinastu árini og hvat bleiv av kanningini sum Anne Bamford, granskari, í 2012 gjørdi av list og kreativiteti í barnagørðum og fólkaskúlum í Føroyum.
Eisini eru ófráboðaðir fyrispurningar á skránni á tingfundinum í dag. Fundurin byrjar klokkan 11.
Um tú veitst okkurt, sum VP ikki veit - skriva so til vp@vp.fo
