Torravikan varð skotin í gongd í gjár, og á heimasíðuni hjá Klaksvíkar kommunu ber til at síggja myndarøð frá framsýningini "HAV" í Posthúskjallaranum, umframt frá fyrilestrunum og kjakinum í Betri í gjárkvøldið.
Í dag bjóðar skráin millum annað hugnaløtu í Smæruni, sum er staðsett í veghæddini á Sambýlinum á Heygnum, har Óli Jacobsen fer at greiða frá og hugleiða um evnið "Kvinnurnar og havið". Hugnaløtan byrjar kl.15.
Harafturat eru hugleiðingar á Skúlatrøð, fyrilestur í Íverksetarahúsinum og skrúvuguðstænasta í Christianskirkjuni, umframt framsýningarnar, sum hava opið alla Torravikuna.
Torraskráin finnist í fullari longd á www.klaksvik.fo/torradagar
Um tú veitst okkurt, sum VP ikki veit - skriva so til vp@vp.fo
