Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Bøkur

Í oktober/november er ætlanin hjá forlagnum VP, at geva andaktsbók nummar trý út hjá Jógvan Fríðriksson, biskupi.

Hinar andaktsbøkurnar, sum komnar eru út, eru: Kertur loga stillar løtur í 2012 og Fevnandi er frelsari mín í 2015.

Nýggja bókin hevur tittulin Mamman vil tær tað besta, og er um 170 blaðsíður og í stívari permu. Permumyndina hevur Katrin Heinesen í Beiti tikið.

Uppsett bókina og gjørt klára til prentingar hevur Sonni Jacobsen.

Bókin verður prenta á Clemenstrykkeriet í Hinnerup í Danmark, har eisini hinar bøkurnar eru prentaðar.

Í fororðinum sigur biskupur millum annað, at tað at skriva lestrar til Vágaportalin hevur verið sær ein fragd og ein gleði. 

- Endamálið er einfalt og tvíliðað: At siga eitt orð um Jesus og vera góður við menniskju.

- Áhugavert er tað, at lestrarnir eru lisnir og hava givið afturljóð. Virðingin fyri lesaranum er stór og endurspeglast í ávísari eyðmýkt yvir fyri uppgávuni.

Um tú veitst okkurt, sum VP ikki veit - skriva so til vp@vp.fo