Í sambandi við viðgerðina av Bústaðapakkanum hjá landsstýrinum, vil Trivnaðarnevndin hava svar frá Bústøðum á nakrar áleikandi spurningar, millum annað hví umsitingin er so dýr.
Trivnaðarnevndin vil hava skjótt svar frá Bústøðum, og eru teir fimm spurningarnir sum skulu svarast:
1. Hvussu fíggjar Bústaðir sína íbúðabygging?
2. Hvussu stórur partur av byggikostnaðin verður avskrivaður?
3. Hvussu ásetir Bústaðir avkastkravið?
4. Hvørja ávirkan kemur avkastkravið at hava á leigukostnaðin?
5. Hvussu verður umsitingarkostnaðurin roknaður út, og hví er umsitingarkostnaður so høgur?
Í skrivinum, sum er sent tann 25. januar 2021, vil Trivnaðarnevndin eisini hava eina skrivliga frágreiðing um, hvussu lutaíbúðarkonseptið verður samansett, og um tað er munur á, um tað verður bygt úti á bygd ella í miðstaðarøkinum.
Um tú veitst okkurt, sum VP ikki veit - skriva so til vp@vp.fo
