Donald Trump reypaði av at hann tjenti yvir 1 milliard krónur upp á Trump International Hotel, meðan hann var forseti.
Nú vísir kongresskanning nakað heilt annað, skrivar NRK.
Tey fýra árini Donald Trump var forseti, var Trump International Hotel tað mest eksklusiva staðið at búgva hjá teimum ferðandi til amerikanska høvuðsstaðin.
Ein kongressnevnd sum hevur kannað fíggjarviðurskiftini hjá Trump, almannakunngjørdi í dag skjøl sum eru um hotellið og fíggjarstøðuna hjá Trump, skrivar CNN.
Skjølini vísa at Trump frá 2016 til 2020 segði inntøkurnar frá hotellinum vóru yvir 156 milliónir dollarar, yvir 1 milliard føroyskar krónur.
Í veruleikanum so misti hann 70 milliónir dollarar – 450 milliónir føroyskar krónur – uppá hotellið.
Hotellið mátti eisini lána 27 milliónir dollarar frá einum øðrum av feløgunum hjá Trump.
Donald Trump's showcase hotel in Washington, D.C. – a popular gathering spot for supporters and foreign dignitaries – bled millions of dollars during his time in office even as he concealed payments from foreign governments, a congressional committee said https://t.co/C7jhUo7WC2 pic.twitter.com/fcs4kfSZ9g
— Reuters (@Reuters) October 8, 2021
Um tú veitst okkurt, sum VP ikki veit - skriva so til vp@vp.fo