Fyrrverandi amerikanski forsetin, Donald Trump, hevur í seinstuni ferðast runt í USA og hildið røður, og tað fær nógv at halda, at hann fer at stilla upp aftur til forsetavalið, sum verður um 2 ár.
Seinast var síðstu nátt, har hann helt røðu á ársfundinum hjá NRA, National Rifle Assosiation, sum er felagsskapur hjá teimum ið vilja verja rættin at bera vápn í USA.
Donald Trump nam við hendingina týsdagin, har ein ungur maður drap 19 børn og 2 vaksin á einum skúla, og segði millum annað, at hóast hópdrápið var ræðuligt, so er vegurin fram ikki meira eftirlit við vápnum.
- Tað er harafturímóti at seta fleiri vápnað politi- og vaktarfólk á øllum skúlum í USA, so slíkt ongantíð hendir aftur, segði hann.
Um tú veitst okkurt, sum VP ikki veit - skriva so til vp@vp.fo
