Á tíðindafundinum í Hvíta Húsinum í kvøld legði Donald Trump eftir WHO, sum hann segði hevur tikið fleiri skeivar avgerðir í handfaringini av koronakreppuni.
Trump vísti serliga á at WHO var í móti hansara avgerð um at steðga innferðum úr Kina, og sigur at USA hevði ein møguleika at steðga alheimsfarsóttini áðrenn hon fór rættiliga at gera um seg.
– Vit fara at kanna hetta, og ímeðan steðga vit amerikanska pengastuðlinum til felagsskapin, segði hann.
Trump var eisini spurdur um hvat hann heldur um aðrar statsleiðarar sum ikki taka farsóttina í álvara.
- Eg haldi ikki talan er um so nógvar sum ikki gera tað. Bretland ger tað øðrvísi. Og hygg eftir Svøríki. Í Svøríki gongst illa. Sviar líða í løtuni, segði Trump.
Um tú veitst okkurt, sum VP ikki veit - skriva so til vp@vp.fo