FSF: Hvussu skal læknin ella fysioterapeuturin bera seg at fyrstu tríggjar minuttirnar, tá talan møguliga er um høvd-, nakka- ella heilaskaða?
Tað er nevniliga av stórum týdningi at heilsufakfólk eru hjástødd, tá talan møguliga er um nevndu skaðar, og at skaddi persónurin fær røttu viðgerð skjótast tilber.
Farnu tvey árini hevur Elmar Ósá, læknasamskipari hjá FSF, verið undir instruktør-útbúgving hjá UEFA, og kann hann í dag geva frálæru í, hvussu heilsustarvsfólk til dystir skulu bera seg at, tá tílikir skaðar koma fyri.
Eitt av skeiðunum var hildið farna mikudag, og tá fekk FSF Varpið orðið á Elmar Ósá.
Um tú veitst okkurt, sum VP ikki veit - skriva so til vp@vp.fo