Uttan at vita av tí trýsti ein Arsenal-leikari á «dáma»-knøttin í einum anti-Wenger innleggi á sosialu miðlunum.
Nú biður hann um umbering.
Observantir brúkarar av sosiala miðlinum Twitter løgdu til merkis at Alex Oxlade-Chamberlain, Arsenal, hevði dámað eitt innlegg við heitinum «Wenger needs to go», publiserað á kontuni ArsenalFanTV.
Eftir at fleiri Twitter-brúkarar høvdu tikið screenshoot av tí, strikaði Alex Oxlade-Chamberlain sítt «like».
Og enski landsliðsleikarin var eisini noyddur at biðja um umbering.
Í síni verju sigur Oxlade-Chamberlain at tað var eitt óhapp at hann trýsti á «dáma»-ikonið.
– Tað var helst ikki meiningin at dáma hatta innleggið. Eg var satt at siga ikki greiður yvir at eg hevði dámað tað, skrivar hann.
I didn't mean to like that post earlier obviously... Didn't even realise I had!
— Alex Ox-Chamberlain (@Alex_OxChambo) February 4, 2017
Um tú veitst okkurt, sum VP ikki veit - skriva so til vp@vp.fo