Okkurt bendir á, at springaradráp ikki hóvar føroyingum, og at semjan, sum higartil hevur verið ímillum føroyingar, er farin at fána.
Ein spurnarkanning her á VP seinasta samdøgrið vísir, at 63% av teimum sum hava valt at svara ikki halda, at vit eiga at drepa springara. 32% halda, tað eiga vit at gera, ímeðan 3% onga hugsan hava um evnið.
Áður hevur ein kanning, sum spyr.fo hevur gjørt fyri Kringvarpið um sama evni víst eitt líknandi úrslit.
Tí er helst relevant at spyrja um semjan, sum føroyingar hava havt sínamillum um rættin at veiða súgdjór í havinum er farin at fána. Kringvarpið setti fyrr í kvøld tveimum polum í spurninginum stevnu, nevniliga Sjúrði Skaale, fólkatingsmanni, og Jacob Vestergaard, løgtingsmanni.
Um tú veitst okkurt, sum VP ikki veit - skriva so til vp@vp.fo
