Í gjár vóru tveir nýggir tilburðir staðfestir. Tað vísa nýggjastu tølini hjá landslæknanum.
Í eina førinum er smittan staðfest við kanning tveir dagar eftir komu til Føroyar. Í hinum førinum er talan um ein skúlanæming, har smittukeldan er kend.
963 kanningar vóru gjørdar seinasta døgnið. Í løtuni eru 27 smittað í Føroyum.
Í gjár vórðu 314 fólk koppsett. 97 fólk fingu fyrra prikið og 217 fólk fingu tað seinna.
178 fólk vórðu koppsett á Vágum í gjár, tá eitt koppsetingarlið hjá Sjúkrahúsverkinum vitjaði á Skúlanum á Giljanesi.
Nú hava 37.106 fólk fingið fyrru koppsetingina. 35.140 fólk hava fingið seinnu koppsetingina, og eru liðugt koppsett.
Tilsamans 72.246 koronukoppsetingar eru gjørdar í Føroyum.
Um tú veitst okkurt, sum VP ikki veit - skriva so til vp@vp.fo