Tíðliga seinnapartin fríggjadagin komu boð um, at ein maður var dottin og hevði brotið beinið í Mykinesi. Vón flutti mannin úr Mykinesi til Sørvágs, har sjúkrabilur flutti hann á Landssjúkrahúsið.
Dagin eftir var ein líknandi hending, hesaferð í Kunoy.
Boðini komu til Vørn klokkan 16 um, at ein kvinna var komin til skaða í beinið í skarðinum millum Kúvingarfjall og Middagsfjall á Kunoynni. Tyrlan var boðsend og fann kvinnuna í 600 metra hædd og fekk hana á Landssjúkrahúsið í øllum góðum.
Um tú veitst okkurt, sum VP ikki veit - skriva so til vp@vp.fo