Kenda dansiorkestrið Twilight kemur vestur á Country -& Bluesfestivalin 10 juni.
Twilight telist millum allarkendastu og vælumtóktu dansiorkestur í Føroyum. Teir spældu í 1980unum, 1990unum og eisini fyrst í 2000unum til dans kring alt landið, bæði til dansitiltøk og á stevnum.
Manningini er skift eitt sindur út síðan 1995, men nú verður so aftur møguleiki at hoyra og uppliva Twilight við tí upprunaligu manningini spæla á Dungasandi í Sørvági.
Manningin er: Pauli Magnussen, gitar og kór. Robert Magnussen, sang. Einar Vesturklett, trummir. Kartni Fordnagard, bass og Hans A. Højgaard, keyboard og kór.
Teir gleða seg at koma at undirhalda fjøldini á Country -& Blues festivalinum við nøkrum heimagjørdum country løgum, nøkrum góðum løgum hjá amerikanska country bólkinum Alabama, og so sjávandi fara teir eisini at futta nakrir góðir gamlir slagarir av.
Hava tit ikki ogna tykkum atgongumerki til festivalin enn, so er bert eitt at gera!
Um tú veitst okkurt, sum VP ikki veit - skriva so til vp@vp.fo
