Avgjøld er betri enn forboð - plastposar eiga at kosta 10 krónur, sigur felagsskapurin Plastic Change.

Í Týsklandi hevur samveldistingið samtykt at ganga somu leið sum fleiri onnur lond, serliga í Afrika, longu gera í dag, nevniliga at forbjóðar plastposar frá 2022.

Men tað er at gera umhvørvinum eina bjarnatænastu, tí plastposar kunnu brúkast fleiri ferðir, og tað kunnu pappírsposarnir, sum fara at koma ístaðin ikki. Tí verður nøgdin av burturkasti fleiri ferðir størri, siga umhvørvisfelagsskapir, og teirra millum er Plastic Change tann størsti.

Har halda tey, at besta gongda leiðin er at leggja avgjøld á plastposar, so fólk fara at brúka teir somu posarnar fleiri ferðir, ella ístaðin brúka net og taskur úr toyi.

- Vit halda, at um plastposin kostar 10 krónur, so fara fólk at taka ein posa við heimanifrá, tá tey fara til handils, sigur Anne Aittomaki, sum er ein av teimum sum stendur á odda fyri Plastic Change.

Í øðrum londum, eitt nú Danmark, er avgjald lagt á, tá handlar útflýggja plastpostar til kundarnar. Í Føroyum er onki avgjald, men flestu handlarnir leggja kortini ein prís á plastpostar.