Onnur tíðindi
Týskland fer at seta fleiri avmarkingar í verk fyri tey sum enn ikki eru koppsett.
Tað segði Angela Merkel, samveldiskanslari, eftir ein fund um støðuna í gjár.
Har í miðal fleiri enn trý eru innløgd á sjúkrahús fyri hvørjar 100.000 íbúgvar fer frælsið hjá teimum ókoppsettu at vera skert soleiðis, at tey noyðast at halda seg burtur frá størri tiltøkum, eitt nú mentanar- ella ítróttartiltøkum.
Fer talið uppum ávíkavist 6 ella 9 innleggingar verður frælsið hjá teimum ókoppsettu skert enn meira.
Eisini í Týsklandi skráseta tey í hesum døgum skjótt vaksandi smittu. Í gjár vórðu 65.371 positiv, og tað er tað mesta nakrantíð.
Um tú veitst okkurt, sum VP ikki veit - skriva so til vp@vp.fo
