Fyrrverandi floksformaðurin og uttanríkisráðharrin í Danmark, Uffe Ellemann-Jensen er deyður. Tað skriva danskir miðlar í morgun. Hann doyði eftir at hava verið sjúkur av krabba í fleiri ár.
Uffe Ellemann-Jensen, sum í Føroyum mangan varð skrýddur við titlinum at vera føroyavinur, var danskur uttanríkisráðharri árini frá 1982 til 1993. Hann var formaður í flokkinum Venstre, har sonurin Jakob nú er formaður.
Jakob Ellemann-Jensen skrivar millum annað á sínum facebookvanga, at hann longu leingist illa eftir pápanum, sum var honum ein hollur stuðul.
Uffe Ellemann-Jensen gjørdist 80 ár.
Um tú veitst okkurt, sum VP ikki veit - skriva so til vp@vp.fo