Tíðindastovan AP fær hvassan kritikk fyri at hava klipt ugandiska klimaaktivistin Vanessu Nakate úr eini mynd saman við fýra øðrum, hvítum aktivistum, skrivar NRK.
– Tit kliptu ikki bara ein persón burt, men eitt heilt kontinent, skrivar 23 ára gamla Vanessa Nakate, sum saman við millum annað Gretu Thunberg vóru avmyndað á einum Fridays For Future-tíðindafundi undir Davos í gjár.
Eftir tíðindafundin almannakunngjørdi The Associated Press (AP) myndina av aktivistunum, men Nakate var ikki á myndini. Tað «gjørdi meg sorgarbundna», sigur hon við Buzzfeed News.
– Eg græt, ikki bara tí tað er rasistiskt, men eg gjørdist sorgarbundin vegna afrikanska fólkið, sigur hon við Buzzfeed News.
Sambært NRK so almannakunngjørdi aktivisturin eina video á Twitter, har hon sigur millum annað at ikki-hvítar røddir verða tagdar burtur í klimatjakinum, meðan tað eru tær sum líða mest av klimabroytingunum.
It showed how we are valued. It hurt me a lot. It is the worst thing I have ever seen in my life.”https://t.co/KWZzp99gyn
— Vanessa Nakate (@vanessa_vash) January 24, 2020
Um tú veitst okkurt, sum VP ikki veit - skriva so til vp@vp.fo