Ukrainski forsetin, Volodymyr Zelenskyj, hevur í eini telefonsamrøðu við amerikanska forsetan, Joe Biden, í gjár biðið henda um størri fíggjarliga hjálp til at standa ímóti russiska trýstinum.
Samrøðan ímillum teirbáðar vardi í góðan hálvan tíma, og í henni vísti amerikanski forsetin á hjálpina, sum USA longu hevur latið, bæði á almennum og privatum stigi. Eisini vísti hann á avgerðina hjá fíggjarfyritøkunum Visa og Mastercard at steðga øllum gjaldinum í Russlanddi.
Í amerikansku kongressini er longu breið semja um at lata 10 mia dollarar, sum svarar til 67 milliardir krónur í hernaðar- og humaniterari hjálp.
Um tú veitst okkurt, sum VP ikki veit - skriva so til vp@vp.fo