Ein umboðsmaður fyri ukrainsku myndugleikarnar segði í gjárkvøldið, at Ukraina ongan lut eigur í einum álopi á eina oljugoymslu í býnum Belgorod sum er einar 40 kilometrar frá markinum ímillum londini. Tvær tyrlur skulu hava framt álopið, og russar siga, at Ukraina stendur aftanfyri.
- Vit verja okkum ímóti russiskum álopum á ukrainskari jørð. Vit hava onki álop framt í Russlandi, segði talsmaðurin.
Samstudis hevur ljóðað, at tað í veruleikanum eru russar sjálvir sum hava staðið fyri álopinum fyri at geva Ukraina skyldina, í ein sonevndari "false flag" operatión.
Um tú veitst okkurt, sum VP ikki veit - skriva so til vp@vp.fo