Ukrainskur tænastumaður sigur at ukrainskar deildir hava oytt eina stóra russiska herdeild við útgerð og manning sum er á veg til Izium har eystri í Ukraina.
Herdeildin var sambært offiserinum á veg til Izium, sum liggur millum býirnar Kharkiv og Kramatorsk.
Kunningin er frá ovastanum í Kharkiv-økinum, Oleh Synegubov, og er løgd út á Telegram, skrivar netstaðið Ukrinform í dag sambært NRK.
Samtíðis siga russar seg hava oytt eitt ukrainskt fylgi við stríðsvognum og herútgerð, sambært russiska verjumálaráðnum, endurgivið av Interfax.
Um tú veitst okkurt, sum VP ikki veit - skriva so til vp@vp.fo