- Í august fer tað av álvara at ganga framá hjá Ukraina í krígnum við Russland. Tá fer krígseydnan at venda, tað sigur ovastin fyri ukrainsku fregnartænastuni Kyrylo Budanov við Sky News.
Hann sigur, at tá hava ukrainar ikki bara rikið russar úr Ukraina, men eisini Krim hálvoyggin, sum Russland hertók í 2014, er tá komin aftur á ukrainskar hendur, sigur hann.
Okkara fregnartænasta er sera væl fyri. Vit kenna allar ætlanirnar hjá Russlandi í somu løtu sum tær verða lagdar, sigur hann við sjónvarpsstøðina.
Kyrylo Budanov sigur eisini, at í løtuni er eitt hernaðarkvett um at henda í Kreml, tí fleiri vilja hava russiska forsetan, Vladimir Putin, frá valdinum. Hetta er tó ikki váttað.
Um tú veitst okkurt, sum VP ikki veit - skriva so til vp@vp.fo