Um sjónleikaran Kirk Douglas, sum doyði nú 103 ára gamal, ber til at siga, at hann í mong ár var ein væl umtóktur sjónleikari á nógvum økjum: ein stórur sjarmørur við mongum eginleikum, ið markera reystmansdirvi, hjartaknúsari, vælvaksin við legandariskari mannfólkahøku.
Hann átti høvuðsleikpartar í einum ótali av filmum.
Í 1958 átti hann høvuðsleikpartin í filminum The Vikings, sum varð tikin upp í Maaraugefjord í Hardangerfjørðinum í Norra.
Umframt Kirk Douglas, Tony Curtis og Jane Leigh, vóru nakrir føroyingar aktivir víkingar í filminum.
Undirritaði minnist 4 av teimum, sum vóru víkingar í Hardangerfjørðinum:
Peter Reinert, sum gjørdist kommunulækni og landsstýrismaður.
Finnur Johansen, sum gjørdist býráðslimur, rithøvundur o.a.
Ulf Zachariasen, á Føroyamálsdeildini.
Eyvindur Mohr, listamaður og fínmekanikari.
……Gone with the Wind….men tá var Clark Gable hjartaknúsarin….
Heri Mohr
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo