Tann heimskendi rithøvundurin doyði í gjárkvøldið. Hann gjørdist 84 ára gamal.
Tað skrivar VG.
Eco var best kendur fyri sína skaldsøgu "Navn rósunar", sum kom út í 1980 og var seld í milliónum av eintøkum. Bókin var í 1986 gjørd til film við Sean Connery í leiklutinum sum munkur.
Men Eco var eisini kendur fyri at gera viðmerkingar um politisku støðuna í Italia og í restini av heiminum.
Fyri umleið einum ári síðani samanbar hann millum annað terrorfelagsskapin IS við nazismuna.
- Islamiski Staturin ella IS er eitt nýtt slag av nazismu við sínum oyðingarhátti og apokalyptiska ynski um at yvirtaka heimin, segði Eco við miðilin Corriere della Sera.
Eco var føddur í 1932 í lítla býnum Alessandria sunnan fyri Milano.
Hann giftist í 1962 við Renate Ramge, ein týsk kunstlærarinna, sum hann fekk ein son og eina dóttur við.
Hansara seinasta skaldsøga, "Nr. 0", kom út á donskum síðsta ár.
Um tú veitst okkurt, sum VP ikki veit - skriva so til vp@vp.fo
