Tá politiið í gjár gjørdi ferðmátingar Millum Fjarða í Eysturoynni varð ein 18 ára gamal bilførari tikin fyri at koyra alt ov skjótt. Hann koyrdi 138 kilometrar um tíman, hóast mest loyvda ferð, har hann koyrdi, var 80 km/t.
- Tá tú koyrir so nógv skjótari enn loyvt er, er ongin góða mamma, og tú missir koyrikortið treytaleyst á staðnum, sigur politiið.
Annars var stórt sæð friðarligt. Okkurt smávegis herverk varð framt ímóti einum handilsglugga, men politiið veit hvør hevur framt herverkið.
Um tú veitst okkurt, sum VP ikki veit - skriva so til vp@vp.fo