United Airlines upplýsti seint sunnukvøldið at felagið steðgar allari flúgving við Boeing-777 flogførum, sum hava sama slag motorar sum flogfarið, ið fekk trupulleikar í luftini og mátti neyðlenda í Denver.
Metallutir duttu niður yvir eitt bústaðarøki í Broomfield.
Flogferðslumyndugleikarnir í USA, FAA, siga at bløðini á Pratt & Whitney PW4000-motorunum skulu kannast nærri. Hesi bløðini verða bert brúkt á motorum til Boeing 777-flogfør, skrivar FAA í eini fráboðan sunnukvøldið.
United Airlines hevur 24 av hesum flogførum, sum nú eru tikin úr flúgving.
Um tú veitst okkurt, sum VP ikki veit - skriva so til vp@vp.fo