Team Rynkeby Føroyar er aftur í ár partur av stóru norðurlendsku innsamlingini av peningi til børn við krabba.
Í tí sambandi verður skipað fyri serligum tiltaki á torginum í SMS leygardagin 13. februar.
Fólk sleppa at royna at súkkla á serligu Rynkeby-súkklunum, sum hendan dagin verða settar upp í einum sonevndum heima-venjara á torginum.
”Rynkurnar”, sum er kelinavn fyri tey, sum hava, ella sum skulu súkkla til París, bjóða kaffi og køkur og svara spurningum, eins og nakrar framløgur eru á skránni.
Klokkan 13.30 fer Marianne Benzon Nielsen, stjóri í Børnecansergrunninum, at greiða frá krabbameini hjá børnum, eins og hon fer at fortelja hvat peningurin frá Team Rynkeby verður brúktur til.
Klokkan 14 fer heilsubólkurin hjá Team Rynkeby Føroyar at hava eina framløgu um fyrireikingarnar til túrin í ár.
Bússur standa frammi, so fólk kunnu stuðla innsamlingini. Føroyski peningurin, sum kemur inn, verður nærum allur brúktur í Føroyum.
Tó fer ein lítil partur til Børnecansergrunnin í Danmark, sum føroyingar eisini hava ágóða av.
Um tú veitst okkurt, sum VP ikki veit - skriva so til vp@vp.fo