Løgtingið hevur í dag endaliga samtykt uppskotið um at gera ymsar broytingar á Føroya Kærustovni, so hann er meira hóskandi til nútíðar samfelagið, sum sagt verður í viðmerkingunum til uppskotið.
Føroya Kærustovnur (Kærustovnurin) er sera nógv broyttur, síðani hann bleiv settur á stovn í 1998. Fleiri kærunevndir eru lagdar til stovnin, umframt at eisini aðrar nevndir, ið ikki viðgera kærur, eru lagdar til stovnin. Løgmaður setti 29. mars 2019 ein arbeiðsbólk at gera eina frágreiðing um hesi viðurskifti. Arbeiðsbólkurin læt løgmanni álit og tilmæli tann 16. oktober 2020.
Tingið viðgerð eisini tvey uppskot um eykajáttanarlógir fyri oktober, eitt frá samgonguni og eitt frá andstøðuni.
Til ber at fylgja við og lesa meira um uppskotini her.
Um tú veitst okkurt, sum VP ikki veit - skriva so til vp@vp.fo