Síðsta nátt var av teimum friðarligu, sambært døgnrapportini hjá vakthavandi á politistøðini í Havn.

- Nakað av fólki var í býnum, men neyvan so nógv sum vanligt, og alt spældi bara væl av, sigur vakthavandi. Kortini er eitt í rapportini, sum nærum ikki slepst undan, og tað er, at onkur er farin í bil eftir at hava smakkað sær á.

- Vit steðgaðu nøkrum bilum, og í onkrum var tann sum sat aftanfyri rættið ikki heilt edrúur. Í einum føri hevði viðkomandi eisini mist koyrikortið, so har spyrjast tvær skuldsetingar burturúr hjá viðkomandi. Eisini í einum øðrum føri var ein bilur steðgaður, har førarin ikki hevði rætt at koyra bil.

Í Klaksvík og Leirvík hevur vindurin gjørt nakað nógv um seg, og tekjur tóku at ríva. Ein í Klaksvík og heilar tvær í Leirvík.

- Í morgum fingu vit eisini boð um, at ein bátur hevði slitið í Klaksvík, og hann lá og rak úrfyri Norðhavnina. Vit sendu boðini til sjóbjargingarstøðina, og sum eg skilji er Ziska við at fáa bátin sleipaðan uppá pláss, sigur vakthavandi at enda.