Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Í.S.F.: Á hvørjum ári metir nevndin í Úrvali um, hvussu úrvalsítrótturin skal stuðlast. Í ár fáa 16 umsóknir játtandi svar, og tað eru umsóknir bæði til einstaklingar og bólkar. Samanlagt er talan um stuðul til 11 úrvalsíðkarar og 5 lið.

Íðkarar og lið umboðandi 9 sambond fáa stuðul úr Úrvali í 2022. Hetta er hægsta tal av sambondum, sum hava fingið stuðul úr nakrantíð. Í hesum sambandi kann nevnast, at íðkarar frá Bogaskjótisambandinum og Judo Føroyar hava fingið stuðul úr Úrvali fyri fyrstu ferð. Harumframt hava íðkarar og lið frá fimleiki, flogbólti, frælsum ítrótti, hondbólti, parasport, svimjing og taekwondo fingið stuðul úr Úrvali í 2022.

Orsakað av korona verður eingin almenn handan í ár við Jenisi av Rana, landsstýrismanni í ítróttamálum, men landsstýrismaðurin veitir kortini ítróttinum eina stutta heilsan.

- Vit kunnu vera stolt av teimum flottu úrslitunum, føroysk ítróttarfólk røkka. Samstundis vita vit at fyri at røkka stórum úrslitum krevst ikki bara evni og miðvís venjing. Góðir karmar eru eisini neyðugir, sum stuðulin úr Úrvali skal vera við til at skapa. Tað gleðir meg tí, at alsamt fleiri feløg og einstaklingar søkja um stuðul og vilja leggja ta tíð og orku, sum krevst fyri at gera seg galdandi innan úrvalsítrótt, sigur Jenis av Rana, landsstýrismaður.

Nevndin í Úrvali staðfestir eina góða gongd innan úrvalsítróttin, sum ber boð um, at føroyskur ítróttur sum heild er í stórari menning.

- Vit kunnu staðfesta, at støðið hjá okkara íðkarum er hækkandi. Vit síggja væl skikkaðar umsøkjarar, hóast farnu tvey árini hava verið trupul, og tað tykist sum, at hópurin av skikkaðum umsøkjarum økist alsamt. Tað er gleðiligt, sigur Ragnar Joensen, nevndarformaður í Úrvali.

27 umsóknir komu inn um úrvalsstuðul í 2022, og søkt var um tilsamans 4,3 milliónir krónur.

Hesi fingu stuðul:

Jóannes Poulsen, BSKF, 100.000 kr

U15/17 ge/dr, FBF, 50.000 kr

Rani A. Dalsgarð, FFS, 110.000 kr

Astrið Breckmann, FFS, 100.000 kr

Hjálmar A. Dalsgarð, FFS, 70.000 kr

Aron D. Jacobsen, FFS, 100.000 kr

Tórur Mortensen, FíF, 100.000 kr

U02 menn, HSF, 350.000 kr

U04 menn, HSF, 50.000 kr

U04 kvinnur, HSF, 50.000 kr

Bárður H. Lenvig, Judo, 50.000 kr

Hávardur Vatnhamar, Para, 150.000 kr

Vár Eidesgaard, SSF, 100.000 kr

Elisabeth Erlendsdóttir, SSF, 77.000 kr

Yngri úrvalssvimjarar, SSF, 50.000 kr

Høgni Kunoy Dávason, TSF, 150.000 kr

Um tú veitst okkurt, sum VP ikki veit - skriva so til vp@vp.fo