Spenningurin ímillum eystur og vestur á markinum ímillum Ukraina og Russland hevur ongantíð verið størri, tað metir USA sum heldur, at eitt russiskt álop nú kann koma hvørja løtu.
Hvítarussland og Russland hava felags hernaðarvenjingar í Hvítarusslandi, men USA ivast ikki í, at tað er meira enn bara venjingar, tí talið á herfólki er so stórt, og stúrt verður eisini fyri, at Russland fer at seta upp kjarnorkuvápn í Hvítarusslandi.
Jen Psaki, sum er pressutalsmaður í Hvítu Húsunum í Washington sigur, at USA vil hava frið men fyrireikar seg til tað ringasta.
- USA fer at veita Ukraina størri hernaðarstuðul um so er, at Russland ikki gevst við dubbingini, segði hann á tíðindafundi í gjár.
Amerikanski uttanríkisráðharrin, Antony Blinken, skal fríggjadagin hitta russiska starvsbróðurin Sergej Lavrov í Geneve.
Russland heldur fast við, at landið ongar ætlanir hevur um at ger innrás í Ukraina.
Um tú veitst okkurt, sum VP ikki veit - skriva so til vp@vp.fo